Trazo, 10 de marzo do 2022 – A Asociación Gentalha do Pichel descubriu no concello de Trazo o que poderían ser os restos dun antigo castro.
A asociación lembra que na bisbarra de Compostela hai perto de cen castros “totalmente ignorados”. Critican tamén a desidia con respecto ao patrimonio prehistórico comparado coa protección que recibe todo o que ten que ver co xacobeo.
O achádego
A Asociación Gentalha do Pichel articúlase en distintas seccións. Un dos membros da que traballa en todo o relativo á historia foi o que nun paseo descubriu este posible castro.
Trátanse dunha serie de estruturas situadas no lugar de Tetemile, na parroquia de Chaián do concello de Trazo. Os restos sitúanse nunha esplanada a uns 270 metros de altitude cerca da iugrexa parroquial de Santa María de Chaián.
O castro semella parcialmente derrubado aínda que en bo estado polo leste. Accedese sen problemas polo lado norte e ocupa unha superficie circulas duns 120 metros.
Castros na comarca
Desde a Gentalha engaden que o concello de Trazo ten 17 castros catalogados. Estas construcións corresponden a un período histórico que vai da idade do bronce, en torno ao 1.800 antes de Cristo, ata a Idade Media xa no século VI.
A Asociación xa informou tanto a Dirección Xeral de Ptrimonio CUltural da Xunta de Galicia e ao concello de Trazo. Explican que a catalogación é o primeiro paso para a protección aínda que reclaman a súa posta en valor e difusión co resto dos castros do concello.
A Asociación pide tamén que se abandone o que cualifican de “monocultivo cultural e turístico arredor do Caminho de Santiago e da catedral” e se estuden, protexa e difunda todo o patrimonio prehistórico ou o industrial da comarca.
A Gentalha desenvolve toda a sua actividade desde o centro social O Pichel, rua de Santa Clara, 21, Compostela, Ten tamén unha web gentalha.org e organiza habitualmente concertos, palestras, cursos de baile e música tradicional e outros eventos de todo tipo. A Asociación Gentalha do Pichel forma parte ademais da Rede do Patrimonio Cultural.