Compostela, 8 de agosto do 2019 – O Mercado Gastronómico La Galiciana ven de firmar un acordo de colaboración coa Fundación do Campo Galego co obxectivo común de seguir promocionando o patrimonio e os produtos da nosa terra.
Polo local de Santiago pasou o actual presidente da Fundación do Campo Galego, Ángel Jove, para asinar o acordo co responsable do Mercado Gastronómico, Benigno Sánchez.
La Galiciana colaborará na difusión na rede do traballo da Fundación cedendo a imaxe de Barri, un tractor que servirá para difundir o valor do campo galego e do produto de proximidade. O local de Santiago exhibirá ao longo do tempo distintas pezas da colección que se inaugurará, no outono, no recinto da Semana Verde de Galicia.
Obxectivos similares
La Galiciana e a Fundación do Campo Galego mostran con este acordo a coincidencia de obxectivos. Ambas as dúas entidades buscan a promoción do campo galego como motor económico do país e como patrimonio a conservar. A exposición no local dun tractor da marca Barreiros é un símbolo de eses obxectivos; unha ferramenta fundamental para o traballo no campo dunha marca creada por un galego e que se converteu nunha icona da automoción.
Esta colaboración serve tamén para difundir o valor do produto de proximidade. A maioría dos pratos que se elaboran en La Galiciana saen de produtores da contorna, unha liña que define o espírito do local.
Barri
Na actualidade La Galiciana traballa no desenrolo multimedia de Barri. Será un tractor Barreiros que, tras a xubilación, comeza a colaborar como guía para mostrar a historia e patrimonio do rural Galego.
Nunha primeira fase comezará a aparecer nas redes sociais pero xa se traballa en proxecto de máis calado nos que Barri será o protagonista.