Bisbarra, 24 de outubro do 2022 – A Xunta de Galicia adxudicou as obras de humanización da contorna dos núcleos de Papucin e Fonte Santaia no concello de Frades.
O investimento do ente autonómico supera os 120.000 euros. A intervención centrarase nas vías que conducen aos centros de Papucin e Fonte Santaia, onde se habilitarán sendas peonís, se introducirán canalizacións para a auga e o alumeado público, e se colocará unha estrutura para cubrir os contedores de lixo.
Os traballos teñen un prazo de execución de 6 meses, a actuación principal consistirá na creación de itinerarios para peóns cunha largura de 1,8 metros, aínda que no caso de Papucín, onde as dimensións da vía non o permiten, optarase por habilitar unha cuneta transitable.
Así mesmo, en Fonte Santaia crearase unha zona de convivencia entre tráfico rodado e peonil empregando o mesmo pavimento que nos sendeiros: formigón en cor natural de 15 centímetros de espesor, armado con malla sobre saburra.
O acordo enmárcase nos obxectivos do plan Hurbe, un programa impulsado pola Xunta no ano 2010 para axudar ás entidades locais a executar proxectos urbanísticos destinados á creación, mellora e humanización de espazos e infraestruturas de uso público e colectivo mediante acordos nos que se regulan as bases da colaboración técnica e económica entre Administración local e autonómica.
