Compostela, 16 de marzo do 2021 – A intención do concello de ceder unha parcela no parque Begoña Caamaño ao IMELGA mobiliza aos veciños de Fontiñas.
Esta tarde está previsto celebrar unha reunión, 18:00 horas, na praza da República oriental de Uruguai. O motivo e debater a cesión dunha parcela para a instalación do Instituto de Medicina Legal no parque Begoña Caamaño de Fontiñas. A parcela esta situada precisamente no espazo arborado que está entre a praza da convocatoria e o regato que atravesa o parque.
Os convocantes teñen como obxectivo defender acciones encamiñadas á “consolidación do parque como espazo de lecer e de encontro dos veciños e veciñas”. Na reunión farase un repaso dos antecedentes e da situación actual ademais de explicar as consecuencias da construción do IMELGA no parque.
Explicaranse tamén as accións levadas a cabo ata o momento e propostas de medidas a tomar previas ao pleno municipal do Concello de Santiago previsto para o vindeiro xoves 25 de marzo.