Negreira, 30 de novembro do 2018 – O programa Falaredes, o programa de dinamización que a Consellería de Cultura e Turismo impulsa a través da Secretaría Xeral de Política Lingüística, chega este domingo a Negreira coa obra Asubios de Elefante Elegante.
Falaredes distribúe nos concellos da Rede de Dinamización Lingüística (RDL) esta eza teatral, especialmente pensada para público familiar con cativada desde os tres anos, que fai fincapé na necesidade de implicármonos no coidado do medio natural. A cita no Centro Sociocultural de Negreira será ás 12:00 do mediodía.
‘Asubíos’ é a quinta actividade do ‘FalaRedes 2018’, unha peza teatral inspirada no universo literario do escritor Mia Couto e no conto “O frautista de Hamelín” recollido polos irmáns Grimm. Se no orixinal do mozambicano o asunto de fondo era a racismo, na reinterpretación que fai a compañía do Elefante Elegante o eixo temático muda e oriéntase ao medio natural e á necesidade de vivir en harmonía con el. A obra está especialmente indicada para familias con cativada desde os tres anos de idade.
