Bisbarra, 12 de abril do 2022 – A pouco máis dun ano vista das elección locais os partidos comezan a preparación dos equipos de que deberán deseñar as candidaturas en cada concello.
O Partido Popular ven de convocar oito congresos na provincia da Coruña : Santa Comba, Vedra, Ordes, Santiago, Monfero, Ortigueira, Narón e Noia. O congreso de Compostela debería resolver a pugna pola candidatura local na que xa hai dous pre candidatos, Borja verea e Fernando Mayo.
Os congresos terán lugar no vndeiro mes de maio. Na bisbarra celebraranse o de Santa Comba o día 11, Vedra o 12, Ordes o 13, Santiago o 13 e Noia o 20.
Segundo explicou o presidente provincial, Diego Calvo, retómase desta forma “un proceso que xa estaba aberto e planificado desde principios de ano e que tivo que retrasarse por mor da celebración do Congreso Nacional que tivo lugar a principios de mes en Sevilla”.
Calvo engade que “A nosa xente está en marcha e activa, e nós sabémolo; o que buscamos con estes encontros é reformar equipos, sumar persoas e encarar as liñas de traballo que seguiremos durante os próximos meses”,
O Partido Popular prepara de este xeito as Eleccións municipais do 2023. O presidente provincial situo como obxectivo recuperar o goberno da Deputación- Mostrouse convencido de que os congresos locais servirán para “colocar aos mellores” ao fronte das agrupacións locais, que a súa vez aglutinarán a moitas persoas con “inquietudes e sensibilidades diferentes, pero cun único obxectivo: traballar polo ben dos seus pobos e dos seus veciños”.
Ao fío de esta convocatoria o PP de Santiago convocou hoxe unha rolda de prensa do presidente da xestora local, Borja Verea. Aínda que o tema de esta cita non trascendeu, é obvio pensar que terá que ver co congreso local de maio. Sobre a mesa a amenaza de querella da ex concelleira popular Ana Belen Sabel contra o actual voceiro, Alejandro Sánchez Brunete, por unhas críticas nunn boletín informativo.
