Tordoia, 18 de febreiro do 2022 – A Deputación da Coruña iniciou o proceso de licitación das obras de mellora da seguridade na estrada de Tablilla a Agromestre por Pontepedra, en Tordoia
A sobras na DP 8401 teñen un investimento previsto de 301.945 euros. Os traballos permitirán acondicionar e renovar o firme ao longo de case 2,5 quilómetros, a instalación de nova sinalización eo acondicionamento da recollida de pluviais na zona
O responsable de vías e obras da Deputación, José Manuel Pequeño, destacou que esta actuación súmase a outras enmarcadas no plan de Vías e Obras coas que o organismo provincial pretende incrementar a seguridade viaria e peonil ao longo dos máis de 2.100 km da rede provincial de estradas
As empresas interesadas poderán presentar ofertas ata o 14 de marzo. Os traballos desenvolerense entre os puntos quilométricos 3,1 e 5,5, dando continuidade ás melloras xa efectuadas pola Deputación nos primeiros tres quilómetros do vial. As obras acondicionarán e renovarán o firme ao longo de case dous quilómetros e medio, axudando a incrementar a seguridade de vehículos e peóns na zona, principal núcleo urbano de Tordoia, coa renovación do firme a través do fresado e reposición nas zonas deterioradas e extensión, na zona de travesía, dunha capa de mestura bituminosa en quente de catro centímetros de espesor.
O tramo no que se actuará tamén será dotado dunha barreira de seguridade metálica tipo bionda para garantir unha maior seguridade para o tráfico rodado e peonil e a posta a terra de terminais de bionda existentes. Así mesmo, proxéctase nova sinalización horizontal mediante pintura viaria branca, tanto no eixo, coma en beiravías e símbolos.
Nas obras levarase a cabo tamén a apertura de cunetas por ambas marxes e limpeza de paseos e posta a cota de tapas de rexistro e sumidoiros. O prazo de execución será duns cinco meses contados desde a data de firma da acta de comprobación do replanteo.
