O Pino – O concelleiro socialista Óscar Vilar denuncia que a empresa promotora da Mina Touro-O Pino, Cobre San Rafael, pretende suplir un centro de captación de auga e un depósito de almacenamento e tratamento con capacidade de 550 metros cúbicos por unha simple tubaxe de 1.845 metros, xunto coas obras necesarias de soterramento e colocación.
O investimento de Cobre San Rafael para sustituir o deposito actual, que desaparecería coa reapertura da mina, non chegaría aos 34.000 €. Vilar explica que estes datos son recollidos nun documento denominado “Medidas Compensatorias para los Abastecimientos de Agua en el Área de la Explotación Minera” que xa fixo chegar á Xunta.
No concello coruñés de O Pino, a área máis afectada será a parroquia de Cebreiro, con unha poboación 450 habitantes. Aquí a veciñanza abastécese de auga captada dun manancial e que chega ao depósito con capacidade de almacenamento e tratamento. Esta infraestrutura, situada no Monte das Minas e próximo ao miradoiro do Picón en Arca, é a que a empresa pretende suprimir, presentando unha alternativa consistente en ampliar a rede de subministro, a través dunha simple tubaxe de apenas dous quilómetros de distancia, uns entronques e arquetas de rexistro; un investimento de 34.000 €.
O depósito que sería sustituido
“Tomadura de pelo”
O concelleiro socialista, cualifica a pretensións de Cobre San Rafael e do Alcalde, de “unha enorme tomadura de pelo aos veciños, se perdemos, un centro de captación, un depósito de 550 metros cúbicos, cambiamos auga de manancial por auga de río, o mínimo a solicitar son as máximas compensacións e inversións posibles, non estamos de saldo, nin imos deixar que nos espolien”, apunta. Vilar considera máis que necesario informar destas pretensións a veciñanza da parroquia de Cebreiro, “dándolles a posibilidade de presentar as oportunas alegacións, de non facelo así, quedará claro de que lado está o Alcalde, defendendo os veciños, ou, a empresa” denuncia. O concelleiro socialista anuncia que solicitará no toda a información referente a ditos acordos, os que tanto mención fai Cobre San Rafael.
