Ordes, 6 de xullo do 2018 – Os vindeiros días 12, 13 e 14 deste mes terá lugar a cuarta edición do concurso de tapas ‘De bo dente’ que organiza o concello de Ordes.
En total teñen confirmada a súa participación un total de 13 establecementos, que elaborarán unha única tapa co fin de conseguir o recoñecemento e os premios que outorgará tanto o público como un xurado no que figurarán cociñeiros de recoñecido prestixio. O Concello de Ordes quere incentivar a cultura das tapas, á par que promove e dinamiza a hostalería local co concurso De bo dente.
A clientela deberá consumir nun mínimo de cinco establecementos para poder emitir o seu voto, o que lle dará opción a acadar algún dos seguintes premios:
Viaxe por un valor de 400 € por cortesía de Estrella Galicia.
Estancia por valor de 200 € por cortesía de Estrella. E vales de Sportec, Doblanc e de Alfombra Roja por valor de 25 € cada un.
O peso en cervexa do gañador ou gañadora e unha cea para dúas persoas por valor de 100€ por cortesía de Estrella Galicia, ademais de dous vales outorgados por Peteiro decoración e Sportec por valor de 25 € cada un. Tamén haberá unha cesta da froitería Eurofrut.
Os bares e restaurantes poderán optar a dous premios:
‘Tapa do Xurado’ consistirá nun cheque por valor de 200 €. Valorarase a elaboración, o sabor, a presentación, a calidade do servizo e a rapidez, así como o emprego de produtos de Galicia.
‘Tapa do Público’, dotado con 160 €.
O concurso ‘De bo dente’ arrancará a tarde do xoves (de 19.30 a 23.30 horas). Tanto o venres como o sábado as tapas serviranse en horario de mañá e de tarde (de 13 a 15 e de 19.30 a 23.30 horas). O público plasmará nos boletos que se entregarán en cada bar ou restaurante un único voto por tapa consumida, para posteriormente depositalo nas urnas que se colocarán nos establecementos.
Os bares e restaurantes que participan na edición deste ano son:
El Túnel, A Barrica Adega, Cervexería Islia, Cervexería O 27, Abacco, Little Coffee, Black & White, Cafetería San Roque, El Salón, Cafetería Doniña, Bar Baral, Feitizo e Bar Correos.
No concurso colaboran tamén as seguintes firmas: Distribucións Toribio Viqueira, bodegas Carballo, Doblanc fotodepilación e estética, Alexandra Maneiro peluquería, Futur Viajes, Sportec Ordes, Don Adrián zapatería, Manuel Rodríguez, Anhelos, Eurofrut, Peteiro decoración, Alfombra Roja zapatería e almacéns Cancela.