Compostela, 31 de maio do 2019 – Gail Brevitt e as alumnas da súa escola Dancenter Gala veñen de clasificarse para a final do concurso internacional Anaprode que se celebrará en Luxemburgo.
Finalizada a primeira fase, a rexional, celebrada en Santiago de Compostela o pasado mes de marzo, as bailarinas de Dancenter Gala viaxaron á fase Nacional que se celebraba no Palau Firal i de Congressos de Tarragona. O domingo o concurso celebrou a primeira fase da final internacional que se organiza conxuntamente con Luxemburgo.
En setembro será o momento de viaxar ata Luxemburgo para que as alumnas máis maiores participen na final para a que se clasificaron; unha viaxe para a que xa buscan recursos. A proba de Tarragona serviu para demostrar o talento e paixón pola danza destas rapazas que foron premiadas en todas as súas intervencións e tendo que facer oco na súa maleta para traer todos os trofeos.
Ao certame asistiron, a capitá do equipo profesora principal e coreógrafa de Dancenter Gala, Gail Brevitt, e as oito alumnas que optaron por vontade propia lanzarse a este mundo de Concursos de Danza; Lúa Ventureira, Flavia Melcher, Carmen Liste, Laura Vilar, Irene Armesto, Tania Rúa, Paula Cribeiro e Noa Suarez.
O primeiro día competiron nas categorías individuais de Ballet Clásico e calidade de Alumno Amateur Avanzado (un nivel de esixencia moito máis alto que o de Amateur), onde Tania, Paula e Noa, obtiveron cada unha, uns merecidos 2º e 3º Premios con medallas de prata e bronce.
Tamén o xoves, competiu o grupo de Ballet Clásico cunha coreografía en puntas, a cal gañou o primeiro premio con Unanimidade do Xurado. Este feito é o que lles clasifica para a Final Internacional en Luxemburgo.
A xornada do sábado non faría máis que mellorar as cousas xa que os dous grupos que competiron, un de Danza Jazz “ Human” e outro de Danza Claqué “ Herman’ s Habit”, gañaron o 1º Premio e 1º Premio con Unanimidade do Xurado respectivamente. Desta maneira, a coreografía de Claqué clasificou para a Final Internacional que se celebrou en Tarragona o domingo, gañando, con aínda maiores honras que a Fase Nacional, o Primeiro Premio con Felicitación do Xurado (máxima puntuación).
Resumo de Participacións e Premios Gañados
Fase Rexional (Santiago):
Ballet Clásico Individual, Categoria Amateur AVANZADO:
Laura Veigas – 1º con Unanimidade do Xurado
Flavia Melcher – 1 er premio
Noa Suarez – 1 er Premio
Paula Cribeiro – 2º Premio
Tania Rúa – 2º Premio
Grupo de Ballet Clásico – 1 er Premio con Unanimidade do Xurado
Grupo de Danza Claqué – 1 er Premio con Unanimidade do Xurado
Grupo de Danza Jazz – 1 er Premio con Felicitación do Xurado (máxima puntuación).
Fase Nacional
(Debido ás regras do Concurso, que permite un máximo de 3 participacións na fase Nacional por candidata, Laura Veigas e Flavia Melcher, renunciaron a competir en Individual, a favor de acompañar ás súas compañeiras nos 3 grupos clasificadas).
Individual –
Noa Suarez – 2º Premio, Medalla de Prata
Paula Cribeiro – 3º Premio, Medalla de Bronce
Tania Rúa – 2º Premio, Medalla de Prata
Grupos –
Ballet Clásico – Trofeo para 1 er Premio, con Unanimidade do Xurado, e clasificación para Final Internacional en Luxemburgo. (Setembro).
Danza Jazz – Trofeo para 1 er Premio.
Danza Claqué – Trofeo para 1 er Premio, con Unanimidade do Xurado, e clasificación para Final Internacional en Tarragona, domingo 5 maio.
Fase Internacional
Grupos:
Ballet Clásico – a celebrar en Luxemburgo en setembro.
Danza Claqué – celebrado en Tarragona, 5 maio – primeiro premio con felicitación do xurado.