Bisbarra, 31 de xaneiro do 2024 – O Concello de Muros presenta a súa programación de Entroido que comezan o mércores 7 de febreiro e rematan o venres día 16.
A alcaldesa de Muros, María Lago, di sobre a programación que “Levamos o Entroido de Muros ás parroquias coa colaboración das asociacións veciñais, unha prioridade para o concello”.
A concelleira de Cultura, Caridad González, destaca pola súa parte que “a programación inclúe actividades para todas as idades e o tradicional concurso de comparsas e disfraces o domingo 11 de febreiro”.
A primeira cita será o obradoiro ‘Letras disfrazadas’ na Axencia de Lectura Municipal de Esteiro, o mércores 7 de febreiro ás 17.30 horas, para dar paso o venres 9 ás 17:00 horas á festa infantil de disfraces en Surribos (Abelleira).
A mesma tarde do venres 9 de febreiro, ás 18.00 horas o obradoiro ‘Letras disfrazadas’ chegará á Biblioteca de Muros, e ás 20.30 horas haberá Festa de Entroido para maiores en Sel, mentres que o sábado 10 ás 17:00 horas a festa infantil de disfraces será en Agrovello (Tal).
O domingo 11 de febreiro ás 17:00 horas celebrarase o concurso de comparsas e disfraces, que percorrerá Virxe do Camiño, avenida Porteliña, rúa Castelao e Curro da Praza. O concello repartirá más de 3.500 euros en premios.
O luns e martes haberá festas infantís no pavillón Xosé Lago de Esteiro; Pozo do Cachón, en Serres, e no Centro Social de Louro. O mércores 14 de febreiro ás 19:00 horas celebrarase o enterro do Facundo e, como remate da programación, o venres 16 haberá dúas novas festas infantís na Casa Reitoral de Torea e na Biblioteca no Centro San Xosé.
