Compostela, 10 de xullo do 2020 – Compostela segue dando pasos para por en marcha o proxecto Smartiago e define as licitacións relativas a mobilidade, xestión de residuos e alumeado intelixente.
A xunta de Goberno de Santiago de Compostela aprobou uns pregos que supoñen un investimento de máis de tres millóns de euros. Estas licitacións, permitirán, según o concelleiro Sindo Guinarte, mellorar, mediante o aporte tecnolóxico, a calidade dos servizos que se prestan á cidadanía, sempre utilizando a innovación para a protección do patrimonio e a sustentabilidade. O concelleiro tamén destacou que Compostela é a cidade de menos de cen mil habitantes, que leva a cabo un proxecto de CPI desta envergadura, no que se van licitar, en 2020, máis de catro millóns de euros.
Consulta ao mercado
A definición destas tres contratacións chegou despois dun proceso de Consultas Preliminares ao Mercado, no que participaron un total de 57 entidades que presentaron máis de 60 propostas. A través deste proceso convidábase aos operadores a presentar as súas solucións para os retos propostos polo Concello.
Tras a presentación de propostas foron chamadas a entrevistas máis de 30 entidades (pemes, grandes empresas, universidades, centros tecnolóxicos, etc.) para que achegaran máis información sobre as solucións presentadas. Toda a información sobre este proceso pode consultarse na páxina web do proxecto Smartiago, nos Informes de Conclusións das CPM (Consulta Pública de Mercado).
Mobilidade Intelixente E Sostible
A contratación correspondente ao reto de Mobilidade intelixente busca unha solución tecnolóxica de mobilidade smart, co obxecto de racionalizar o tráfico de vehículos e persoas no centro histórico, deseñar novas estratexia para a repartición de última milla e contribuír á sustentabilidade ambiental e á conservación do patrimonio.
O valor estimado é de 2.146.479,5 euros (IVE engadido) e a adxudicación está prevista para outubro de 2020, cun prazo de execución de 18 meses.
En este caso búscase a instalación dun sistema de cámaras intelixentes de control de tráfico e mobilidade peonil; un sistema de redutores de velocidade intelixentes e un sistema de Intelixencia artificial para o control do tráfico de mercancías no casco histórico entre outras cuestións.
Xestión sostible de residuos sólidos urbanos
No caso da xestión sostible e intelixente dos residuos sólidos urbanos pídese o deseño, desenvolvemento e construción de contedores intelixentes de superficie para a caracterización de residuos sólidos orgánicos. Preténdese situar o servizo de recollida e tratamento de RSU á vangarda da eficiencia con tecnoloxías smart waste, participación cidadá e IA (Intelixencia Artificial). Os obxectivos son de un 50% de preparación para a reutilización e a reciclaxe, partindo do 13% actual, convertendo o espazo urbano e o mobiliario público en elementos de interacción para obter recompensa a través da corresponsabilidade ambiental.
O valor estimado é de 564.102 euros (IVE engadido). A adxudicación está prevista para outubro de 2020 e contémplase un prazo de execución de 18 meses.
En este caso as empresas deberán ofrecer contedores intelixentes, app móbil e unha rede de comunicación.
Iluminación intelixente do patrimonio
En este caso non só se merca produtos, tamén investigación. Mediante esta compra, o Compostela contratará os servizos para desenvolver un sistema de alumado ornamental para a conservación do patrimonio.
O valor estimado é de 627.710,77 euros (IVE engadido), prevéndose a adxudicación para outubro de 2020. O prazo de execución é de 18 meses.
No caso desta licitación trátase da contratación dos servizos de I+D para o deseño, desenvolvemento e posta en funcionamento dunha solución piloto que permita, a través de tecnoloxía LED, inhibir o crecemento de microorganismo no patrimonio monumental de Santiago de Compostela.
Búscase situar o servizo de iluminación pública ornamental á vangarda da eficiencia, sen renunciar a unha idónea integración arquitectónica nunha contorna Patrimonio da Humanidade, promover a sustentabilidade ambiental ligada á fabricación e xestión da iluminación baixo un modelo de economía circular e reducir os gastos de conservación do patrimonio utilizando iluminación ornamental e IA para o mantemento preventivo da colonización biolóxica.
Smartiago
Smartiago é un proxecto de Compra Pública de Innovación, o primeiro que se desenvolve nunha cidade patrimonio de España. Conta cun orzamento de 6.180.000 euros, cofinanciados nun 80% polo Fondo Europeo de Desenvolvemento Rexional (FEDER), a través do Ministerio de Ciencia e Innovación e nun 10% pola Axencia Galega de Innovación da Xunta de Galicia (GAIN).
A culminación das CPM é a aprobación e publicación destas tres licitacións. O proxecto Smartiago é transversal, e nel participan distintas concellarías, entre elas Urbanismo, Medio Ambiente e Mobilidade.