Bisbarra, 15 de novembro do 2021 – O concello de Teo acolleu unha nova reunión de Compostela Rupestre na que se acordaron o destino de fondos para os vindeiros meses.
Compostela Rupestre acordou destinar 50.000 para a compra de parcelas no Monte Piquiño. Tamén haberá fondos para limpeza e sinalización de elementos patrimoniais que deben realizarse no que queda de ano e durante o 2022. Santiago tamén recibirá ademais 150.000 euros para a creación do CIRVI (Centro de Interpretación Rupestre de Villestro).
A reunión contou coa presenza do vicepresidente da Deputación e responsable da área de Turismo, Xosé Regueira, e o deputado de Patrimonio, Xosé Lois Penas, así como os representantes dos cinco concellos con terreos integrados no Parque Arqueolóxico Compostela Rupestre (Ames, Brión, Santiago de Compostela, Teo e Val do Dubra).
Ademais do investimento en compra de parcelas no Monte Piquiño destinaranse 125.000 euros para o mantemento, limpeza e sinalización de entidades patrimoniais (a contorna dos petrógligos) e para a actualiación da páxina web do proxecto, implementando un sistema de xeolocalización dos elementos patrimoniais, que se repartirán entre todos os Concellos.
