займ срочно

Unha nova etapa para o Panteón de Galegos Ilustres

0

Compostela, 20 de decembro do 2023 – Comeza a desenvolverse a Lei do Panteón de Galegas e Galegos Ilustres, aprobada o pasado mes de agosto, cunha reunión entre os responsables do mantemento e mellora do espazo.

O presidente do Parlamento de Galicia, Miguel Ángel Santalices Vieira, reuniuse co conselleiro de Cultura da Xunta, Román Rodríguez,  coa alcaldesa de Santiago, Goretti Sanmartín, e co arcebispo de Santiago, Franscisco José Prieto, para dar comezo aos trámites previstos na Lei 5/2023, do 4 de agosto, do Panteón de Galegas e Galegos Ilustres, aprobada por unanimidade co respaldo de diferentes institucións e entidades.

Na xuntanza, celebrada a petición do presidente da Cámara, acordouse iniciar os trámites encamiñados a constituír e rexistrar a Fundación Panteón de Galegas e Galegos, así como os referidos a que tanto a Arquidiocese como o Concello de Santiago cedan á futura Fundación o uso, respectivamente, da Igrexa de San Domingos de Bonaval e da parte do terreo público municipal imprescindible, dada a súa vinculación física con el.

Santalices Vieira agradeceu a predisposición amosada polo conselleiro, a alcaldesa e o arcebispo para completar estes trámites.

O contido da Lei 5/2023, do 4 de agosto, do Panteón de Galegas e Galegos Ilustres, pode consultarse no seguinte enlace:

https://www.parlamentodegalicia.es/sitios/web/BibliotecaLeisdeGalicia/Lei5_2023.pdf

Share.

Comments are closed.