Compostela, 31 de agosto do 2022 – O concello de Santiago de Compostela ven de decretar tres días de loito oficial polo falecemento dun bombeiro nunha intervención.
É a primeira vez na historia do parque de bombeiros que se produce un falecemento nos seus 160 anos de historia. A bandeira do consistorio permanece desde onte a media hasta en sinal de loito.
Os feitos producíronse a primeira hora da mañá de este martes. Un incendio nun autobús urbano na parroquia de Aríns obrigou a acudir a unha brigada. Cando xa se comezara coas labores de extinción o autobús, en principio bloqueado, desprazouse atrapando ao bombeiro contra o camión de bombeiros.
Tras unha hora de intentos de reanimalo, primeiro polos propios compañeiros e logo polos integrantes dunha ambulancia, se dou por falecido. O bombeiro tiña 25 anos e levaba desde o mes de xuño de prácticas no parque. Tras a parte teórica esta era a súa primeira saída e estaba só como observador.
Nun comunicado oficial o alcalde, toda a corporación e os traballadores municipais uníanse na dor da familia, das súas amizades e dos compañeiros do parque de bombeiros. Durante os tres días de loito, ademais da do concello, todas as bandeiras de instalacións municipais ondearán a media hasta.
