Compostela, 5 de xullo do 2023 – O Festival Atlántica triunfa en Compostela esta semana e hoxe mércores centra a súa programación nas voces de tres mulleres galegas.
O Atlántica está enchendo cada día o CSC Maruxa e Coralia. O luns o portugués Luís Correia e onte martes o cubano Pedro Mario López deixaron un bo feixe de historias no xardín do centro. Hoxe tocaralle a quenda as galegas Sole Felloza, Vero Rilo e Bea Campos. O programa da mañá inclúe un paseo narrado pola contorna da cidade para o que xa están esgotadas as entradas.
Xa pola tarde, ás 18.30 horas, os nenos maiores de tres anos e as súas familias teñen unha cita co ‘Animalario’ de Vero Rilo no CSC Maruxa e Coralia, unha sesión de narración oral fresca e despreocupada para recargar enerxías e para gozar cun feixe de animais e animaladas.
Un chisco despois, ás 21 horas, será Bea Campos quen deleite o público adulto con “Marcho que teño que marchar”, unha escolma de contos onde as mulleres son as protagonistas, desde meigas artúricas ata avoas misteriosas.
Máis conto ata o sábado
A actividade na cidade continúa ata o sábado 8 de xullo completando unha vintena de espectáculos. Haberá espectáculos para todas as idades, de temática diversa, en horarios variados e en diferentes puntos da cidade.
De este xeito o xoves as 20:30 Rodela de cantos e contos con Rosa Gonsalves no Museo do Pobo Galego.
O venres as nove da noite Don Guti estará xunto a ábsida da Colexiatade Sar coas historias do espectáculo “Cando Deus andaba polo mundo”.
O sábado rematará o festival en Compostela cunha estrea. Vero Rilo estará no Castelo da Rocha Forte con “Tralalareira” acompañada por Santi Cribeiro (acordeón).
O festival estará tamén estes días en Ferrol, Dodro ou mesmo Teo. Tedes toda a información sobre os espectáculos e os artistas do festival está dispoñible na web festivalatlantica.gal.