Compostela, 30 de xuño do 2022 – O 11 de xullo Imagine Dragons dará no Monte do Gozo un dos concertos máis esperados da tempada e que espera reunir a máis de 20.000 persoas.
O concerto forma parte da xira mundial Mercury Tour que comezou o pasado 28 de maio en Praga. Imagine Dragons estarán na península tan só en Lisboa o día cinco, en Madrid o día sete e rematarán en Compostela o 11.
Con 46 millóns de álbums, 55 millóns de cancións vendidas en todo o mundo e 74.000 millóns de reproducións acumuladas, Imagine Dragons son unha das bandas que máis récords de vendas acumula.
Segundo a revista Billboard, as 3 mellores cancións de rock da década pertencen ao grupo: Believer, Thunder e Radioactive. Formada en 2009, Imagine Dragons foi creando a súa comunidade de seguidores co lanzamento de forma independente dunha serie de EPs previos ao EP Continued Silence en 2012, o seu debut nun selo destacado, KIDinaKORNER / Interscope.
Night Visions (2012), o seu primeiro LP, entrou no número 2 da lista Billboard 200 e o tema principal Radioactive encabezou a lista de Hot Rock Songs de Billboard, gañou un GRAMMY á mellor interpretación de rock e obtivo o status de diamante outorgado pola RIAA.
Smoke + Mirrors (2015) debutou no número 1 do Billboard 200. EVOLVE, que lle seguiu en 2017, foi nomeado ao Grammy como mellor álbum vocal pop e del extraéronse tres números 1 e tres éxitos das radios alternativas: Believer, a nomeada ao Grammy Thunder e Whatever It Takes. Os tres temas conquistaron tamén o top 5 do Top 40 da radio e Thunder subiu ata o posto número 1.
O cuarto álbum da banda, Origins, estreouse alcanzando o máis alto das listas Alternative Albums e Top Rock Albums de Billboard e o single Natural estivo nove semanas no número 1 da radio alternativa, establecendo o récord actual de ser “a máis tocada nunha semana” de todos os tempos neste formato.
O seu esperado quinto álbum de estudo, Mercury – Act 1 foi publicado o 3 de setembro de 2021. Moldeado en equipo xunto ao estimado produtor Rick Rubin e cun título inspirado na palabra “mercurio”, Mercury – Act 1 é un disco sincero que abandona as letras con carga metafórica e en cambio abraza os extremos emocionais, sen gardar nada. Trátase do primeiro traballo da banda desde Origins de 2018.
Follow You e Cutthroat foron os primeiros escintileos do novo disco, publicados simultaneamente en marzo de 2021. O primeiro situouse o número 1 da radio alternativa e da clasificación Alternative Airplay de Billboard, o que significou o ascenso máis rápido do grupo á cima destas listas. O ultimo single, Wrecked, é unha exploración confesional da dor escrita polo vocalista principal, Dan Reynolds, tras perder á súa cuñada por cancro en 2019.