Teo, 10 de febreiro do 2021 – Comezan as obras de reurbanización do núcleo de Sestelo, en Teo, incluídas no Plan Único da Deputación da Coruña.
As obras de Sestelo, pertencente a parroquia de Rarís, contan cun investimento de 221.610 euros. O obxectivo e mellorar a seguridade viaria e os servizos de canalización.
Renovación da zona
Os traballos que se están a levar a cabo inclúen a renovación do pavimento das pistas interiores na aldea de Sestelo que serám delimitadas en varios tramos cunhas franxas transversais de lastras de formigón de cor gris.
Por outra banda completaranse as redes de abastecemento e a de saneamento, renovarase a de pluviais e instalarase a infraestrutura necesaria para dotar de iluminación pública cunha rede de subministro soterrada.
A actuación busca que a veciñanza consiga uns accesos e uns equipamentos máis adecuados, mellorando a seguridade viaria, a accesibilidade e a súa comodidade, renovando ao mesmo tempo servizos coma o saneamento e abastecemento de auga e o alumeado público.
