Brión, 25 de maio do 2018 – Brión presenta esta tarde dous proxectos colaborativos que abren a porta a venda de produtos da casa como as ave, os coellos ou pratos elaborados.
Unha das principais dificultades para a comercialización dos produtos da casa é a autorización sanitaria, algo que con estes proxectos quedaría solucionado polo que so resta a parte administrativa. Esta inciativa abre a porta a que particulares poidan comercializar animáis criados na casa sen un alto custo engadido derivado análisis e certificacións.
O primeiro dos proxectos é un matadoiro móbil para aves e coellos, irá polas casas que o soliciten tanto si os animais son para autoconsumo como para poder vender a carne coas preceptivas autorizacións sanitarias actuais. No segundo caso abrirase un local-cociña no que a veciñanza poderá elaborar produtos transformados cos ingredientes e receitas tradicionais pero que, unha vez rematados, cumprirán cos requisitos legais establecidos para a súa venda en tendas, restaurantes, colexios, mercados…
Ambos proxectos están abertos á participación de todas as persoas que o desexen, tanto sexan de Brión como das comarcas limítrofes. A segunda presentación terá lugar o sábado 2 de xuño, ás 10:30 horas, na sala de exposicións da Casa da Cultura de Brión. A maiores, o Concello de Brión decidiu achegar esta iniciativa divulgativa ás parroquias, polo que haberá sesións informativas nos teleclubes de Luaña (29 de maio) e Ons (31 de maio), na antiga gardería de Bastavales (5 de xuño) e Casa da Cultura (7 de xuño). En todos estes casos, a charla comezará ás 10:30 horas.
