Bisbarra, 9 de decembro do 2022 – O concello de Vedra ven de rematar melloras de eficiencia enerxética na escola infantil municipal, financiadas con fondos FEDER.
As obras da EIM acolléronse aos investimentos europeos de proxectos singulares destinados aso crecemento sostible cara a unha economía baixa en carbono. A escola infantil conta agora cunha fachada ventilada que é capaz de mellorar a súa eficiencia e tamén o seu illamento.
Os traballos acometidos na escola infantil municipal supuxeron que o coeficiente de transmisión térmica na gardería pase de 1,8 W/m2/K a 0,75 W/m2/K no caso dos peches. No caso da cuberta a mellora pasa de 1,4 W/m2/K a 0,28 W/m2/K.
A actuación supón reducir as emisións por ano de CO2 de 60,74 Kg/m2 a 46,72 Kg/m2 . A cualificación enerxética do edificio pasará de E a D e o aforro enerxético será do 34,04 %. O custo da obra é de 173.490,23 euros dos que o IDAE aportou 138.792,18 euros.
