Bisbarra, 1 de abril do 2020 – Hoxe visitamos dous concellos como Oroso e Padrón que buscan a normalidade dentro da excepcionalidade que vivimos.
Buscamos a reflexión de Manuel Mirás, alcalde de Oroso, como político con anos de experiencia que se enfronta a algo nunca vivido. En Padrón recollemos as declaracións de Ana Lueza, Concelleira de asuntos sociais quen nos conta como se vive o día a día na capital do Sar.
Oroso
Oroso é un dos concellos nos que se coñece a existencia de positivos. Manuel Mirás, o alcalde, considera que pasou xa o momento de mirar as cifras día a día ou por concello e centrarse en resolver unha situación excepcional
Mirando ao futuro será moi importante a unidade. Mirás recoñece que o modelo de sociedade terá que cambiar moito e que os recursos dedicados a cidadanía terán que ser maiores a base de reducir outras partidas
Oroso, como o resto de concellos ten en marcha programas de todo tipo para axudar no confinamento en na falta de recursos básicos. Toda a información pódese atopar na súa web
Padrón
A Concelleira de asuntos sociais de Padrón, Ana Lueza, cóntanos como foron os primeiros momentos de esta crise e que medidas se tomaron
Unha das maiores preocupacións segue sendo o SAF, o servizo de axuda ao fogar, e o risco que corren a diario os traballadores
Finalmente a concelleira explica como é o día a día e a solución que se buscou para os sen teito
O concello de Padrón publica cada día no Facebook municipal toda a información necesaria sobre a crise e as novidades que van aparecendo, podedes consultalo en este enlace.
