Bisbarra, 6 de maio do 2020 – Distintos colectivos veñen de alertar sobre a reactivación da tramitación de distintos proxectos que poden supoñer un gran impacto ambiental no territorio.
Desde o 4 de maio están a correr de novo o prazo de exposición pública de proxectos como vertedoiros, plantas de xestión de residuos, parques eólicos e subestacións eléctricas, liñas de alta tensión, etc. todos cun forte impacto ambiental.
Según as organizacións que dan a alerta, que se poden consultar en este artigo, o Real Decreto que declara o estado de alarma só contempla, como forma excepcional, que se poidan acordar, mediante resolución motivada, a continuación daqueles trámites que sexan indispensables para a protección do interese xeral ou para o funcionamento básico dos servizos. O estado de alarma impide tamén a cidadanía reunirse, organizar asembleas ou moverse libremente para contrastar a información presentada polo que a capacidade de resposta, ante estes proxectos, vese limitada.
As organizacións consideran que esta situación da facilidades a todos eses proxectos de grande impacto e contaminantes. Por este motivo esixen a paralización da orde ditada pola Xunta ata que non se recobre a normalidade.
