Bisbarra, 10 de maio do 2024 – O concello da Baña celebra o mes das Letras vinculado ao Día Das Letras Galegas cunha serie de actividades pensadas para a veciñanza.
A axenda de citas iniciarase o xoves 16 cunha xornada de convivencia para o CPI A Baña a partir das 12.30 horas en Agra de Chans. A proposta contará coa actuación de Luis Vallecillo co que a cativa gozará do mundo das letras mediante xogos e música.
O venres 17, co gallo do Día das Letras Galegas, a casa da cultura acolle o homenaxe a María Jesús Álvarez Ramos, profesora que deu clase no CPI A Baña. O emotivo acto terá lugar a partir das 12.00 horas.
O domingo 19 será a celebración da tradicional Festa da Re-volta na carballeira de Seilán. O mercadiño, os postos de artesanía e de polbo, e as propostas culturais e musicais para a veciñanza de todas as idades recrearán o ambiente das antigas romarías.
O programa do Mes das Letras está organizada polo Concello da Baña e conta coa colaboración da Deputación da Coruña.
