Ordes, 3 de setembro do 2018 – A biblioteca municipal vén de poñer recentemente á disposición dos seus usuarios e usuarias unha ampla lista de novidades literarias para comezar o novo curso.
A biblioteca de Ordes incorpora 250 novos títulos, de todos os xéneros e estilos, dirixidos a todo tipo de público, e que aumentan e melloran o seu amplo fondo bibliográfico, que supera xa as 19.500 referencias.
Entre os autores e autoras que figuran nas novas adquisicións figuran Diego Ameixeiras, José Emilio Bóveda, Mercedes de Vega, Xavier Quiroga, Margaret Adwood, Arturo Pérez Reverte, Graham Moore, Milagros Frías, Xavier P. Docampo ou Jöel Dicker.
A Biblioteca Municipal está integrada na rede de bibliotecas públicas de Galicia. Comezou a funcionar no ano 1991 e desde o 2011 está instalada nos baixos da Alameda onde ademais das súas funcións habituais serve para dinamizar a vila con distintas actividades ao longo de todo o ano.
