Bisbarra, 5 de abril do 2022 – A Unidade de Atención Temperá (UAT) que xestionan os concellos de Negreira e Val do Dubra traballa xa con máis de 40 nenos e nenas de 0 a 6 anos.
Esta unidade pasou no mes de marzo a formar parte da rede galega de atención temperá. Tratase dun espazo biopsicosanitario que realiza intervencións dirixidas á poboación de 0 a 6 anos, a súa familia e o seu entorno.
María del Mar García, concelleira de Servizos Sociais, Muller e Igualdade de Negreiraexplica que “Ten por obxetivo dar resposta o antes posible ás necesidades transitorias ou permanentes que presentan os nenos e nenas con trastornos no desenvolvemento ou no risco de padecelos, para facilitar a súa autonomía personal e a inclusión social”.
A UAT integral está formada por catro especialistas. Ademais da terapia ordinaria de ámbito físico, conductual, de lenguaxe e cognitiva na que os pequenos teñen as súas sesións semanais e os pais un espazo onde sentirse apoiados, a unidade conta cunha liña de prevención.
Para dar continuidade a esta atención dos menores con diversidade, o Concello de Negreira xerou un espazo de traballo de menores de 6 a 14 anos, denominándose Servizo Terapéutico municipal, unha maneira proactiva de atender as necesidades e dar unha atención especializada, así como unha continuidade á atención realizada con anterioridade.
Por outra banda, sendo coñecedores destas necesidades, e sendo conscientes do espazo que requiren esta atención, o grupo de goberno de Negreira estuda a posibilidade de ampliar a ubicación existente, traballando na localización doutros espazos, para que así poidan dispoñer de todos os medios necesarios.
“Para nós é prioritaria esta unidade; no tempo que leva traballando, creouse un clima cálido e de confianza para as familias, polo que teñen o compromiso de que o concello reforzará o seu apoio a este servizo”, explica o alcalde, Manuel Ángel Leis Míguez.
