Ames, 31 de outubro do 2019 – Con motivo da celebración do Samaín a Casa da Cultura e Biblioteca do Milladoiro acollen unha exposición de 300 cabazas decoradas polos alumn@s do CEP de Ventín, coa colaboración da ANPA do mesmo centro.
Entre as cabazas expostas poderemos ver a carruaxe da Cincenta, ao famoso personaxe de Maléfica, mouchos, fantasmas, momias… e incluso peregrinos. Sen dúbida, a imaxinación dos nenos non ten límite, e así aparece reflectido neste gran traballo no que cooperan tanto pais como fillos.
Con este tipo de actividades incentívase a celebración do Samaín, unha festividade típica de Galicia que, ademais de estar baseada na tradición do Día dos Defuntos, marcaba o remate da tempada de colleita e o comezo do inverno para os celtas.
