Cando Xosé Sánchez Bugallo gañou as eleccións do 2019 xa sabía que sería unha lexislatura complicada. Non ter unha maioría absoluta obrigaría a chegar a acordos. Co que non contaba era cunha pandemia mundial que mudo todos os plans.
Dous anos despois Sánchez Bugallo está bastante satisfeito por como se resolveron os problemas de Compostela. Destaca a unidade acadada entre os grupos nos momentos máis difíciles e mira aos dous anos que quedan de lexislatura con optimismo.
Comezamos preguntando por estes dous anos tan intensos e a valoración que o alcalde fai de esta etapa. Bugallo considera que xa era complexa antes de comezar porque chegaba de 8 anos de “parón”
O alcalde fai fincapé do acordo alcanzado, por todos os grupos antes das eleccións, sobre os cinco temas prioritarios para a cidade e dos que di que espera completar antes do fin do mandato
A relación coa oposición foise deteriorando ao longo do mandato. O rexedor o achaca á necesidade de atacar ao goberno a medida que chegan os próximos comicios. En todo caso considera que os principais temas que chegan a pleno van saíndo
Na bisbarra marcharon en este período alcaldes emblemáticos como José Luís García en Brión ou Manolo Mirás en Oroso. Preguntamos a Xosé Sánchez Bugallo pola relación cos outros concellos, o alcalde lamenta a paralización da Mancomunidade
O Xacobeo é unha oportunidade de recuperación para a cidade, en especial pola prolongación ata o 2022. Sánchez Bugallo considera que a partir de setembro poden incrementarse as visitas e que a estabilidade sanitaria é unha garantía para certos mercados
Na conversa falamos tamén da finca de Peleteiro, do parque de bombeiros ou dos plans de Bugallo de cara ás eleccións de dentro de dous anos. Tedes a conversa completa no noso podcast ao que podedes acceder nos seguintes enlaces
App de Patreón en android https://play.google.com/store/apps/details?id=com.patreon.android
En IOS
https://apps.apple.com/es/app/patreon/id1044456188
Ou si o prefires directamente desde a web
