Poucos meses antes das eleccións do ano pasado o actual alcalde de Arzúa, José Luís García, non tiña claro si presentarse á reelección.
Tras dúas lexislaturas moi complicadas, sobre as que falabamos con el no 2017 en esta entrevista, opta por intentalo e repite como alcalde de Arzúa cun concelleiro menos e o apoio do Psoe local.
Comezamos a entrevista lembrando aquelas dúbidas. José Luís García recoñece que non agardaba unha lexislatura coma esta, esperaba uns anos tranquilos centrado na xestión, pero ao cambio de secretaria e interventor sumouse o Coronavirus
O certo é que o feito de cambiar interventor e secretaria contribuíu ao impulso da administración electrónica. As melloras implantadas supuxeron unha gran axuda no confinamento e o concello puido seguir traballando
Como en outros concellos o departamento de servizos sociais de Arzúa foi o que soportou, soporta, a maior presión da pandemia. O ter localizadas a familias vulnerables e a colaboración dos veciños axudou a solucionar os problemas que foron aparecendo
Por regla xeral a colaboración entre partidos foi boa durante os últimos meses. Arzúa non foi unha excepción e pese a ser 5 grupos distintos a relación durante o confinamento foi boa
José Luís Garcia non esconde ser por natureza pesimista. Mirando cara o futuro cre que todo dependerá da responsabilidade de cada un no que se refire a pandemia. No económico vota de menos axudas por parte da Xunta como si están chegando desde outras administracións
Arzúa non para pero tanto a implantación electrónica no inicio da lexislatura e o confinamento despois paralizou moitos proxectos que nos próximos meses o alcalde espera que salgan adiante
A Festa do Queixo de Arzúa foi das últimas en celebrarse antes do confinamento. A estas alturas, en condicións normais, estaría case planificada a edición 2021. O alcalde baralla dúas opcións, unha celebración con restricións sanitarias o incluso pospoñela para máis adiante
José Luís García, como vimos de escoitar, confesase un home pesimista e sen embargo sempre aparece no seu falar un camiño para seguir. O seu paso pola alcaldía ata o momento non foi doado pero vese que no fondo no perde a esperanza de recuperar unha certa normalidade que lle permita disfrutar das cousas que vai conseguindo. Non deben ser poucas porque dúas lexislaturas seguidas sacando máis do 40% por cento dos votos emitidos dan fe do que pensa o pobo.
