Alcaldes, 16 de abril do 2024 – Roberto Rey revalidou nas últimas eleccións municipais a maioría absoluta no concello de Frades aínda que perdeu un concelleiro.
O alcalde recoñece que o anterior foi un mandato complicado, con bastantes problemas persoais que complicaron a xestión. Aínda con esa baixada e as dificultades sufridas, valora positivamente os resultados.
Rey pensa que perder un concelleiro obriga a repensar as cousas, a meditar que se fixo ben e que mal. Tanto é así que considera que xa atoparon onde estiveron os problemas para esa perda de votos e confía en recuperalos dentro de catro anos.
Foi un mandato no que cumpriuse a maior parte do programa previsto. Equipamentos como o Centro Sociocomunitario, o museo etnográfico, ou o abastecemento de auga a todas as parroquias son xa unha realidade.
As eleccións deixaron un cambio no concello limítrofe de Oroso; que ten a Alex Doval , do Partido Popular, como novo alcalde. Roberto Rey explica que eles manteñen moitas colaboracións con municipios veciños como Trazo ou Mesía, pero que a relación con Oroso era máis complicada, agora espera que isto cambie.
Para este mandato as propostas de Roberto Rey e o seu equipo son moi relevantes. Unha nova potibilizadora, duplicar o número de casas do maior e unha residencia de maiores. Este último é un proxecto complexo que posiblemente precise de axuda pero que o alcalde considera moi importante dada a demanda de este tipo de servizos por parte da veciñanza.
Tempo teremos ao longo dos vindeiros anos de ver como se desenvolven todas estas ideas. O certo é que Frades é un dos concello nos que un atopa máis proxectos en marcha. Son ideas concretas, realizadas en tempos razoables, ás que se lles ve o uso enseguida. Un traballo que serve de exemplo para outros municipios.
