Lalín, 18 de febreiro do 2019 – O 24 de este mes terá lugar a 51 Feira do Cocido de Lalín que o pasado sábado pechaba a xira de presentación por Galicia.
A Feira do Cocido ven de percorrer as prazas de abastos da comunidade mostrando que sigue, despois de tanto tempo, máis viva que nunca. Atrás quedaron desfiles con garotas e inventos alleos a Galicia, a festa comezou un camiño de renovación nos últimos anos do que falabamos con Rafa Cuiña, alcalde da vila
Durante anos o cocido foi prato de xente maior, con unha inmerecida fama de comida pouco san, algo que cambiou nos últimos tempos o que ara o alcalde é un signo de madurez
Unha Feira de xira
A visita as prazas de abastos de Pontevedra, Vilagarcía, Vigo, A Coruña, Lugo e Santiago, onde rematou o sábado, foi todo un éxito. Como xa sucedera nas outras vilas o posto instalado no mercado compostelán estivo completamente ateigado pola presenza constante de santiagueses e turistas que non quixeron pasar a oportunidade de disfrutar do Cocido de Lalín. As máis de 200 tapas baseadas no cocido de Lalín foron elaboradas polo cociñeiro Diego López “Moli” e rematáronse en pouco tempo. O alcalde de Lalín, Rafael Cuíña, acudiu ao acto acompañado do concelleiro de Turismo, Francisco Vilariño, aproveitando ambos para convidar a todos e todas as santiaguesas a visitar Lalín o vindeiro 24 de Febreiro no día grande da Feira do Cocido.
Un mes de cocido
Todo o mes Lalín disfruta do mes do cocido con 42 empresas participantes entre entre restaurantes e establecementos gastronómicos. O 24 será o día grande coa 51º edición da Feira e o pregón do xornalista Xabier Fortes. Instalarase, desde o día anterior, unha gran carpa con exhibicións e venda de produtos gastronómicos é o 23 haberá cantos de taberna as sete da tarde, concerto da Banda de Música de Lalín as oito e media e tirada de fogos de artificio as doce da noite.
O domingo será, ademais do día grande da Feira, a data elixida para o concerto de Xabier Díaz e Adulfeiras de Salitre, a partir das 8 da tarde na Praza da Igrexa.A festa continuará en marzo co Titirentroido, actuación de Scene Ballet, concerto da Orquestra de Corda de Lalín e un non parar de actividades que tedes na web do cocido.