Compostela, 20 de maio do 2021 – Tras un ano sen celebrarse volve a Compostela unha das citas habituais no calendario de Feiras do Palacio de Congresos, a de Antigüidades.
A concelleira Mercedes Rosón e os responsables do evento, Ángel Moix e Marycruz Madrid, deron conta en rolda de prensa dos detalles desta edición que se celebra desde este venres 21 ao domingo 23.
Xoias, xoguetes, mobles e pezas de todo tipo poderanse ver e comprar en esta edición, a número oito..En total serán 40 expositores chegados de distintas partes de España, que estarán no Pazo de Congresos o venres de 17 h a 21 h, e o sábado e o domingo en horario de 11 h a 14.30 h e de 16.30 h a 21h.
Mercedes Rosón invitou a composteláns e visitantes a non deixar pasar esta oportunidade e agradeceu aos organizadores que tiveran pensado en Santiago para celebrar esta oitava edición da Feira de Antigüidades, Coleccionismo e Vintage, que volve tralo parón imposto pola pandemia.
A feira contará con todas as medidas de seguridade ditadas pola autoridade competente: haberá control de accesos, de aforo, e de temperatura aos asistentes, e garantirase o cumprimento das distancias indicadas en todo momento.