Teo, 30 de xuño do 2021 – O pleno da Deputación da Coruña debaterá hoxe o proxecto de terminación da ampliación da estrada DP-8202 que vai de Galanas a Cacheiras, no Concello de Teo.
Esta obra conta cun orzamento de 478.382,98 euros. As melloras consistirán na ampliación e mellora do trazado da citada vía co fin de conseguir unha nova plataforma de 9 metros de ancho, 7 metros de calzada e dúas beiravías de 1 metro, sobre os 5 metros cos que conta actualmente.
O presidente da Deputaci’on, Valent’in González, e o alcalde de Teo, Rafa Sixto revisando o proxecto.
Os traballos a levar a cabo inclúen tamén a instalación de drenaxe e recollida de pluviais con cunetas revestidas de formigón, a colocación de biondas de seguridade nas zonas de terraplén e o reforzo da sinalización horizontal e vertical.
Tamén se contempla a demolición dos muros necesarios así como a dun muro de mampostería, que será reconstruído manualmente, nunha parcela na que se atopa unha vivenda protexida. As superficies necesarias para a ampliación da estrada xa foron expropiadas no seu momento cun investimento de 238.544 euros.
