Vedra, 9 de abril do 2019 – Como cada ano a Exaltación do Viño da Ulla ten como un dos actos centrais o nomeamento de novos membros da Orde da Bota e que a organización acaba de dar a coñecer.
O próximo domingo día 14 San Miguel de Sarandón será o lugar no que o actor Manuel Manquiña, o Conselleiro de Medio Rural, José González Vázquez e o xornalista Víctor Furelos sexan nomeados novos membros da orde. Este ano introdúcese como novidade o nomeamento de empresas colaboradoras da festa, a primeira será Sondeos Guerra que desde hai mais de 35 anos pon o seu grao de area para que todo poida saír adiante. Recollerá o nomeamento o xerente da mesma Xosé Manuel Guerra Calvelo.
Noemados no 2018
Dez anos da Orde da Bota do Viño da Ulla
Foi na edición do 2009 cando se instaurou a Orde da Bota. En aquela edición os nomeados, primeiros integrantes, foron Odón Cobas, alcalde de Vedra; Ramón Hermida, Víctor Vázquez Portomeñe, Manuel Formoso, Pilar García, José Luís Bernal (Farruco), María Bouzas, Jesús Precedo e Xabier Alcalde, encargado de ofrecer o pregón. O ano pasado foi a quenda do presidente da Deputación, Valentín González, O responsable de Galicia Calidade, Alfonso Cabaleiro, e o cantante da Orquestra París de Noia, Blas Piñon, que ademais fixo de pregoeiro.
