Bisbarra, 8 de abril do 2024 – A XLII Festa do Viño da Ulla foi presentada o pasado venres no edificio Fontán da Cidade da Cultura e celebrarase os vindeiros 13 e 14 de abril.
A parroquia de San Miguel de Sarandón, en Vedra, acollerá un ano máis a Festa do Viño da Ulla coa intención de converterse en Festa de Interese Turístico de Galicia. A comisión organizadora e o concello de Vedra deron conta das novidades desta XLII Festa do Viño da Ulla. Ademais das actividades desa fin de semana a Festa do Viño da Ulla leva aparelladas as Xornadas Técnicas sobre a Cultura do Viño que se celebraran do 10 ao 12 de abril.
O sábado 13 terá lugar a II ruta de coches antigos e o domingo 14 a II ruta moteira ambas percorreran boa parte dos viñedos da Subzona Ribeira do Ulla. En ambos os dous casos visitarase unha adega e haberá unha cata degustación. As inscricións serán ao prezo de 5 euros persoa e as prazas son limitadas e a inscrición cerrarase o martes día 9 as 22,00 horas.
A Festa terá ademais actividades de éxito xa recoñecido en anteriores edicións, como a cata concurso que este ano vai pola súa VI edición , que se celebrará o sábado e entregará os premios o domingo.
A tarde do sábado 13 a partir das 18:00 h. abrirá as súas portas a mostra de viños na que participan 12 adegas. Logo chegarán as actuacións de música tradicional, Charanga e a actuación do grupo de danza urbana mesturada con muiñeira Lil-Kids, gañadores do programa de televisión GOT TALENT 2023 .
Pola noite a partir das nove haberá sesión de disco-movil e a partires das dez e media actuará a recoñecida orquestra París de Noia, pa rematar a noite de novo con disco-movil. O domingo terá lugar a entrega dos premios da VI Cata concurso e o tradicional nomeamento de novos membros da Orde dos Amigos/as do Viño da Ulla.
O pregón este ano correrá a cargo do presentador do programa da TVG “A Voltas co Prato” Fran Cañotas. Finalmente as actuacións ao longo de todo o día Charanga, Grupo O Fiadeiro e xa no serán tocaralles a quenda a Festicultores Troupe, Rebeldia e rematando co concerto de Familia Caamagno.
