Silleda, 8 de agosto do 2017 – O Concello de Silleda xa conta coa máquina varredora que mellorará o servizo de limpeza viaria e servirá para manter en boas condicións as beirarrúas do municipio.
A varredora chegou no dñia de onte. No seu día fora adxudicada á firma Baygar e supuxo unha inversión de 65.000 euros. Este equipamento era unha das inversións previstas nos orzamentos municipais deste ano, e adquírese con fondos integramente municipais.
“Nestes días o servizo de limpeza viaria contará con esta máquina para mellorar sustancialmente os traballos”, indica o alcalde Manuel Cuiña.
O rexedor destaca que a boa situación económica do Concello permite afrontar inversións coma esta en maquinaria para “dar un mellor servizo á cidadanía”.
