Padrón, 8 de agosto do 2017 – O pasado día 5 celebrouse unha nova edición da Festa do Pemento de Herbón. Van alá 39 anos nos que este produto converteuse nunha referencia na gastronomía internacional e algo desexado en moitas partes do mundo de maio a outubro.
O pemento de Herbón vive todo o ano buscando identidade. A creación do Consello Regulador diferenciou ao pemento doutros e marcou unha pauta de traballo. Queda moito por facer pero esa é outra historia porque a Festa do Pemento de Herbón é a de tódolos produtores, os acollidos a denominación e os da zona que non o están
A Festa é do pobo e de feito a organiza unha comisión e o concello e un mero colaborador, ao igual que o Museo Casa Rosalía ou o propio Consello Regulador. Os produtores son os protagonistas e os que ceden pementos para agasallar aos milleiros de visitantes que chegan cada ano a carballeira do Mosteiro.
Este ano o pregoeiro foi o xornalista José Manuel Garcia, director do programa de gastronomía Comer e Falar na rede. José Manuel loubou as virtudes do produto e lembrou como de neno viña cos seus país desde Vigo os domingos so a comprar pementos.
A festa continuou coa entrega de premios aos participantes na procesión de tractores, que cada ano abre a Festa do Pemento, e rematou coa verbena e por suposto, o motivo principal, co xantar. Os milleiros de persoas fixeron cola para levar un prato conmemorativo cunha ración de pementos e un cacho de pan.
Queda aínda tempo para disfrutar dos pementos así que non o pensen e busquen os de verdade, os de Herbón con Denominación de Orixe porque os outros… non son o mesmo.
[columns]
[column size=”1/2″]
[ngg_images source=”galleries” container_ids=”42″ exclusions=”761″ sortorder=”766,744,745,746,747,748,749,750,751,752,753,754,756,757,758,773,759,760,761,762,763,765,767,764,755,768,770,769,771,772″ display_type=”photocrati-nextgen_basic_slideshow” gallery_width=”800″ gallery_height=”600″ cycle_effect=”fade” cycle_interval=”3″ show_thumbnail_link=”0″ thumbnail_link_text=”[Show thumbnails]” order_by=”sortorder” order_direction=”ASC” returns=”included” maximum_entity_count=”500″]
[/column]
[column size=”1/2″][/column]
[/columns]