Oroso, 4 de setembro do 2018 – Éxito de participación no IX Trofeo Internacional Concello de Oroso de Tenis de Mesa que se celebrou a pasada fin de semana.
O Oroso TM foi o encargado de organizar esta importante cita internacional que cada agosto se celebra no pavillón municipal Juanito Amigo no que ten a a súa sede o equipo. Desde a categoría prebenxamín ata as de veteranos como +40 ou +60 todos disfrutaron de dúas xornadas dedicadas ao Tenis de Mesa.
Os máis de 500 participantes ocuparon as máis de 20 mesas colocadas e xogaron desde as nove da mañá ata as nove da noite completando 24 horas de competición ao máis alto nivel. O venres pola tarde, un día antes do comezo do Torneo, celebrouse ademais unha xornada de promoción e portas abertas na que puido participar toda a veciñanza de forma completamente gratuita.