Compostela, 23 de setembro do 2022 – A asociación de comerciantes do Ensanche, Santiago Centro, ven de presentar una APP que ten importantes vantaxes para os clientes e que está dispoñible para calquera modelo de teléfono.
Santiago Centro VIP pode atoparse nas tendas online de IOS e Android. Os usuarios poderán acumular descontos e trocar o saldo dispoñible nos establecementos adheridos. Os douscentos primeiros clientes que se dean de alta terán un premio de dez euros en saldo a gastar nos comercios que xa están na aplicación.
Ademais deste agasallo de benvida, a través desta aplicación os usuarios poderán ir acumulando distintos descontos en cada compra que realicen nos comercios rexistrados na mesma. Na propia interfaz, cada persoa pode consultar cales son as ofertas e as vantaxes que lles ofrece cada establecemento.
A oferta é variada contando cunha ampla variedade de áreas como a moda e os complementos; saúde e benestar; tecnoloxía e fogar; ou deportes, ocio e cultura.
A súa descarga implicará que os clientes estean ao día de todas as campañas que pon en marcha o comercio asociado a Santiago Centro e que moi pronto traerá de novo grandes premios.
