Oroso, 3 de setembro do 2021 – O concello de Oroso ven de rematar os traballos de renovación do aglomerado nos lugares de Vilar de Abaixo (Deixebre), e Zan e A Costa (Trasmonte).
O alcalde, Luís Rey, dixo que “Con esta actuación, damos resposta ás demandas veciñais e melloramos a seguridade viaria nestes camiños, tanto dos vehículos como dos peóns”,
Ademais das tarefas de aglomerado en varias parroquias, o concello realizou no verán traballos de rebacheo en pistas do rural, cun orzamento de 60.000 euros.
A aposta polas parroquias e o rural continuará nas próximas semanas, nas que o grupo de goberno acometerá un conxunto de obras cun investimento global dun millón de euros.