Oroso, 21 de outubro do 2021 – O concello de Oroso ven de rematar os traballos de acondicionamento e humanización do Camiño Inglés ao seu paso pola vila.
Desde hai semanas trabállase no Camiño Inglés para mellorar o seu aspecto. A instalación de elementos de descanso, novas marquesiñas e colectores de lixo integrados na paisaxe son algunhas das melloras acometidas.
Tamén se rehabilitou e limpou a Fonte da Santiña e dos lavadoiros más próximos a este tramo da ruta, que xa ofrecen un aspecto renovado. O alcalde Luís rey declarou que “Cada vez son más os veciños e veciñas de Oroso que utilizan o tramo do Camiño Inglés para pasear a diario, o que para nós é unha satisfacción, ademais da importancia de ter todas as sendas acondicionadas para os peregrinos”.
Para o concelleiro de Turismo, Antonio Leira, “o noso entorno natural e o Camiño Inglés son dous atractivos de Oroso, que teñen que desfrutar en primeiro lugar os nosos veciños e tamén todos os que nos visitan”.
A construción de sendas peonís por todo o concello e o impulso do Camiño Inglés son dúas prioridades para o grupo de goberno orosán, consciente do seu impacto para mellorar a vida diaria dos veciños e incrementar o número de visitantes.
