Oroso, 24 de febreiro do 2020 – Éxito de participación no Entroido de Oroso que viu como máis de 1.200 persoas enchían as rúas do nucleo urbano de Sigüeiro.
As comparsas e grupos participantes no Entroido saíron ás 17:30 horas do pavillón de deportes e fixeron un percorrido polas rúas de Sigüeiro. 30 foron on número total, entre adultos e infantís, que participaron no concurso no que se repartiron 3.000 euros en premios.
A festa serviu tamén para entregar os premios do concurso de máscaras e de receitas denominado “en galego sabe mellor”.
Hoxe chega a quenda da festa de disfraces, cun discomóbil para nenos e nenas con dj, mascota e obradoiro de maquillaxe. Os asistentes poden colaborar levando filloas, orellas e outros produtos típicos de Entroido.
