Oroso, 21 de febreiro do 2022 – O alcalde de Oroso, Luís Rey, e a subdelegada do Goberno, María Rivas, mantiveron este venres unha reunión coas axudas a vivenda ao concello como un dos eixes centrais da conversa.
A recen aprobada lei de vivenda pode ser un impulso para o crecemento do municipio. Tanto o alcalde de Oroso como a subdelegada destacaron a importancia das axudas previstas que poden significar un crecemento demográfico si se complementa coa ampliación do polígono industrial e o emprego que pode xerar.
Axudas a vivenda
María Rivas, destacou que o Executivo que preside Pedro Sánchez concederá unha axuda de ata 10.800 euros para aqueles mozos e mozas que decidan adquirir unha vivenda para uso habitual en municipios de menos de 10.000 habitantes, como é o caso de Oroso.
Esta subvención terá unha axuda de ata 360 euros ao mes naqueles casos en que se opte polo alugueiro dunha vivenda en vez da compra. Os beneficiarios e beneficiarias serán aquelas persoas que no momento de solicitar a axuda teñen 35 anos ou menos.
Novo pavillón
No encontro, o alcalde explicoulle o proxecto para a construción dun novo pavillón polideportivo, demandando a colaboración do Goberno na posta en marcha da infraestrutura.
Por outra banda, o servizo de obras da Demarcación de Estradas da Delegación do Goberno continuará cos traballos de mellora e acondicionamento das vías de servizo e as pistas de acceso á N-550 no Concello de Oroso.
