Melide, 26 de novembro do 2020 – Unha sentencia xudicial ven de condenar ao concello de Melide ao pago de máis de 600.00 euros de facturas pendentes da anterior lexislatura.
O pago realizarase con cargo ao remanente de tesourería e antes de que finalice o ano. O pago de estas facturas era unha demanda da oposición do Partido Popular que deixaron as facturas conformadas o 14 de xuño, tras perder as eleccións do 26 de maio.
A postura do goberno municipal era contraria ao pago de estas facturas xa que se trata de obras non consignadas a ningunha partida orzamentaria e sen contrato. Para o actual goberno esta sentenza ampara unha ilegalidade. Desde a asesoría xurídica do concello xa informaran no seu día que, estando conformadas e demostrada a prestación do servizo, a xurisprudencia era favorable na maioría dos casos ao pago do traballo.
Desde o Partido Popular acusaron ao bipartito, Adiante Melide e Psoe, de urdir unha “vinganza política” que sufriron os provedores. A portavoz, e ex alcaldesa, Dalia Garcia, dicía nunha rolda de prensa que quedou demostrada a intención do actual goberno “utilizar aos provedores como arma política para manchar a imaxe deste partido, do meu equipo de goberno e tamén da miña propia.
