Melide, 30 de xaneiro do 2019 – O Concello de Melide levará ao pleno da vindeira semana a modificación do solo apto para urbanizar situado no entorno da avenida de Compostela, SAU 11.
O SAU 11 recolle un área próxima aos 16.000 metros cadrados. Según explica a alcadesa, Dalia García, “Trátase neste caso de finalizar un expediente cuxa aprobación inicial levouse a Xunta de goberno local o pasado mes de maio e que logo de ter recibido todos os informes sectoriais, tanto estatais como autonómicos, e de ser revisado polos equipos de Secretaría, Intervención e Urbanismo do Concello, recibirá agora o voto favorable do pleno”.
O desenrolo urbanístico deste sector é un dos primeiros proxectos que leva a cabo o Concello logo da entrada en vigor da Lei do Solo de Galicia e beneficia por unha banda aos promotores, pero por outra, a veciñanza e a comarca xa que poñerá a disposición dos particulares novas parcelas aptas para construción de vivendas unifamiliares, ata o de agora desaproveitadas.
Dende as filas do goberno local agardan contar cos votos favorables da oposición do PsdG-PSOE e do BNG xa que entenden que se lle dá trámite a unha demanda cidadá de promoción urbanística da mesma maneira que aplauden aos promotores xa que dende a crise económica non se detectaron máis desenrolos urbanísticos en Melide con carácter finalista, e agora, hai varios proxectos de profundidade que implican que o Concello ten potencial de crecemento como foi a modificación do planeamento na UA4 de Melide así como os Plans Especiais que están en trámite con finalidade de recuperación turística do medio.