Lousame, 22 de Nadal do 2017 – O alumnado da Escola Municipal de Música de Lousame ofrecerá hoxe venres 22 de decembro, ás 20:30 horas, un Concerto Solidario de Nadal en favor de Cáritas.
Unha iniciativa que terá lugar no auditorio da Casa da Cultura “Santeiros de Chave” e que conta coa colaboración do Concello de Lousame, Cáritas e da Asociación Cultural Prudencio Romo-Banda de Música de Lousame.
Para poder asistir ao concerto é preciso colaborar na campaña de recollida de alimentos para as familias máis necesitadas. Así, o público terá que entregar, en concepto de entrada simbólica, un quilo de produtos non perecedoiros (pastas, latas de conservas, aceite, galletas…), debidamente empaquetados e que non teñan superada a súa data de consumo preferente. Ademais, e tendo en conta as datas que son, tamén se recollerán produtos típicos do Nadal: turróns, polvoróns…