Compostela, 5 de xaneiro do 2024 – As eleccións do vindeiro mes de febreiro en Galicia terán un compoñente local coa presenza da formación Espazo Común Galeguista.
Trátase dunha plataforma cidadá, liderada polo ex socialista Pachi Vázquez, que onte presentou no rexistro do Parlamento a primeira documentación. Vázquez explicaba ante os medios que a súa presenza e o fracaso de outras formacións “que nos presentemos é o fracaso das grandes formacións políticas que non souberon aglutinar a toda esta xente, en Galicia hai máis de catrocentos concelleiros independentes”.
A plataforma rexístrase como coalición formada Espazo Común e Unidade Local pero antes do día 15 contan con que se integren máis formacións. Preguntado polo mapa electoral con grupos como Podemos, Sumar ou Democracia Ourensana ademais de PSdeG, PP e BNG, Pachi Vázquez pensa que por moito que os medios os poñan no foco os que teñen representatividade son eles “son unas leccións moi contaminadas por Madrid. Podemos non pinta nada, somos moi pequeniños pero temos máis concelleiros que Podemos en Galicia e temos representación en tres provincias, sen embargo os medios prefiren falar de Podemos e de Sumar”.
Espazo Común Galeguista quere ocupar o centro “un centro socialdemócrata e galeguista”. Non queren falar de resultados xa que consideran que o que están é sementando de cara ao futuro “ O noso é unha carreira de fondo, non nos preocupan tanto os resultados inmediatos, somos persoas cas ideas moi claras, con moita ilusión e gañas de cambiar o que xa existe, con vocación de servizo público e as que nos gusta a política, a política de verdade, con maísculas, a que sirve para axudar e mellorar a vida dos galegos e galegas”.
Unha nova formación que anima aínda máis se cabe as eleccións de febreiro. A composición do novo Parlamento queda no aire e pode mudar moito ou seguir configurada en torno a BNG, PP e PSdeG.
