Val do Dubra, 11 de febreiro do 2022 – O Partido Socialista de Val do Dubra demanda ao concello que mellora a seguridade e a accesibilidade do mirador do Picoto.
Os socialistas engades que o mirador do Picoto en Rial presenta deficiencias que poñen en risco aos visitantes, Piden tamén que “se proceda á execución de tarefas dirixidas á posta en valor da zona, mellorando os accesos e colocando sinais indicativas do lugar”.
O Psoe considera que as obras realizadas supuxeron un maltrato para o patrimonio natural de val do Dubra e engade que “Unha vez executadas as obras e unha instalada semellante estrutura nas pedras máis icónicas do Picoto resulta practicamente imposible a súa retirada, polo cal é preciso que se dote de seguridade á totalidade da estrutura, que a data de rexistro desta solicitude presenta zonas nas cales non existe nin tan sequera valado que impida que unha persoa poida caer nalgúns dos ocos e resultar lesionada”.
Por outra banda, os socialistas consideran necesario “que se leven a cabo tarefas que conleven a posta en valor do emprazamento e se realice un plan de investimento para mellorar e acondicionar a zona e accesos, xa que tal e como coñecerán a pista que conduce ata o lugar precisa dunha importante mellora e as sinais son inexistentes, salvo unha que esta no propio cruce e se atopa nun estado vergoñento”.
