Compostela, 25 de maio do 2022 – “Maridaxes sonoras” é o nome do ciclo de concertos que ven de presentar o Riquela Club e que comezará o vindeiro cinco de xuño.
O Riquela busca mesturar en este ciclo as músicas urbanas coas tradicionais. Unha oportunidade de ver e escoitar a artistas únicos con propostas innovadoras.
De Nova Orleans a Francia
O ciclo Maridaxes Sonoras do Riquela comeza con notas de Nova Orleans da man dun artista galego asentado na cidade de Louisiana. Carlos Childe, coa súa banda o completo, estará na sala o vindeiro día cinco de xuño..
Ryder the Eagle é o segundo dos concertos ; unha especie de polifacético crooner francés que define o seu espectáculo da seguinte forma “xiro só. Canto, toco a guitarra eléctrica, teño unha caixa de ritmos e bailo e toco sós de guitarra por todo o local Un espectáculo moi entretido, estupendo, sexy e emocional. Non vos convencín?”. Ryder estará no Riquela o 12 de xuño próximo.
Para completar este primeiro ciclo Maridaxes Sonoras un artista de Nashville que compuxo temas para artistas como Guy Clark, Richard Dobson ou David Olney. Noel McKay representa a Nashville na sua versión máisde autor cunha longa carreira de concertos por todo o mundo .
Entradas
As entradas están xa a venda. O ciclo enteiro son 12 euros e os concertos individuais 6€. Podedes adquirilas en A Reixa tenda.