Compostela, 7 de xuño do 2023 – O socialista Xaquín Fernández Leiceaga non tomará posesión da súa acta de concelleiro en Compostela e considera que é precisa unha renovación no partido.
Leiceaga foi unha das novidades da lista socialista á alcaldía de Compostela. O alcalde en funcións, Xosé Sánchez Bugallo, o presentara para o número 3 como persoa que viña a solucionar os problemas de xestión económica amosados en esta lexislatura.
Onte nunha rolda de prensa explicaba os motivos que o levan a volver ao seu posto de profesor na Universidade e deixar a primeira liña política. A primeira razón esgrimida foi a de uns resultados “moi por debaixo das expectativas”. Explicaba que non lle sorprendera o resultado do resto dos grupos pero si ha caída dun 40% do Psoe
Xaquín Fernández Leiceaga considera que esa caída tan grande débese a un “cansancio dunha forma de gobernar”. Considera que non chega coa dimisión de Bugallo e apela aos seus vinte anos na agrupación local para pedir que haxa unha renovación das persoas que están en primeira liña.
O concelleiro electo aproveitou a comparecencia para despedirse como Senador. Foi o que máis interveu nos plenos do grupo socialista e dixo sentirse orgulloso de poder traballar nunha etapa na que se deron avances moi importantes
Ante as preguntas dos xornalistas sobre si se postulaba para repetir como Senador, cousa que xa fixeron Xosé Sánchez Bugallo e Manolo MIrás, ou sobre si outros concelleiros deberían tamén deixar o concello preferiu non facer ningunha declaración.
