Ames, 5 de xaneiro do 2019 – O concello de Ames amenceu hoxe con tres pancartas colgadas, en distintos puntos do concello, coas reivindicacións da Policía Local.
As pancartas non son a primeira acción reivindicativa. O 24 de decembro escaparates e paredes, por todo o municipio, aparecían cunhas follas que lembraban o conflito laboral da Policía; o encabezamento era “alcalde estamos fartos”.
Esta noite colgáronse pancartas na avenida da Peregrina e na rúa Ameneiral en Bertamiráns e na ponte peonil que hai na entrada do Milladoiro, na N-550. En elas reclámase “igualdade salarial e adecuación cos traballadores do concello”.
Lonxe de arranxarse o conflito parece enquistarse cada vez máis. Antes de estas reivindicacións os representantes sindicais dos policía criticaran a contratación de auxiliares. Unha protesta seguida de cerca pola feita polo Partido Popular quen denunciaba que os auxiliares non podían saír a rúa por non ter traxes.
Hoxe será un bo día para ver si as numerosas baixas na policía afectan as Cabalgatas de Reis ou si os auxiliares e Protección Civil serven para paliar estes problemas.